အမှတ်တမဲ့# ၃

အရက်ဖြစ်ပေါ်လာပုံကို ဖောက်သည်ချရရင် ထုံးစံအတိုင်း ဟိုးရှေ့ရှေ့တုန်းကပေါ့ … သုရာဆိုတဲ့မုဆိုးတစ်ယောက်က သားကောင်ရှာထွက်ရင်း သစ်ပင်တစ်ပင်အောက်မှာ အနားယူခဲ့ပါတယ် ။ အဲ့သစ်ပင်ရဲ့ အလယ်မှာ ခက်မသုံးခုဖြာထွက်နေပြီးတော့ အလယ်မှာ အိုးကြီးတစ်လုံးစာလောက် သစ်ခေါင်းကြီးလည်းဖြစ်နေပါတယ် ။ မိုးတွင်းဆိုရင် သစ်ခေါင်းထဲမှာ မိုးရေတွေပြည့်နေတတ်ပါတယ် ။ အဲ့သစ်ပင်ဘေးမှာ သဖန်းခါးပင် ၊ သျှိသျှားပင် စတဲ့အပင်တွေကလည်း သစ်ပင်ကြီးကို နွယ်တက်နေပါတယ် ။ ဒီတော့ ဒီသစ်ပင်တွေရဲ့ အသီးတွေဟာ သစ်ခေါင်းကြီးထဲကို အလိုအလျောက် ကြွေကျပြီးသား ဖြစ်နေပါတယ် ။ နောက် သစ်ပင်ကြီးရဲ့ ဝန်းကျင်မှာ သလေးစပါးပင်တွေလည်း ရှိနေတာဆိုတော့ ငှက်တွေက သလေးစပါးတွေချီလာပြီး သစ်ကိုင်းတွေပေါ်မှာနားရင်း သလေးစပါးတွေ သစ်ခေါင်းကြီးထဲ ပြုတ်ကျကုန်ပြန်ပါတယ် ။ ဒီလိုနဲ့ နွေရောက်လာတဲ့အခါကျတော့ နေနဲ့ချက်သလို ဖြစ်ပြီး အရောင်ကလည်း အနီရောင်ဖြစ်ကုန်တော့တာပါဘဲ ။

ငှက်တွေက အဲဒီသစ်ခေါင်းထဲက သဘာဝစိမ်ရည်တွေသောက်ပြီး သစ်ပင်ရင်းပြုတ်ကျ ၊ အတန်ငယ် အိပ်ပျော်ပြီးမှ မြူးမြူးထူးထူးနဲ့ ထပျံတတ်ကြပါတယ် ။ ဒီ သစ်ပင်နဲ့ ဒီငှက်တွေနဲ့ ဒီဖြစ်စဉ်တွေက ဒီနေရာမှာ အစဉ်သဖြင့် ဖြစ်နေကြတာပါ ။

သုရာဆိုတဲ့မုဆိုး ရောက်လာတော့လည်း ဒီဖြစ်စဉ်က သူ့သဘာဝအတိုင်း ဖြစ်နေတုန်းပါ ။ သုရာဆိုတဲ့မုဆိုးက ငှက်တွေပြုတ်ကျပြီး ပြန်ထပျံတာတွေ့ရတော့ … ဒါအဆိပ်တော့မဖြစ်နိုင်ဘူး ၊ သောက်ကြည့်ဦးမှပဲ … ဆိုပြီး သောက်ကြည့်ပါတယ် ။ သုရာလည်း ငှက်တွေနည်းတူ မူးယစ်ပြီးအိပ်ပျော်သွားပါတယ် ။ သူ့အတွက် ပိုပြီးအဆင်ပြေနေတာက သစ်ပင်ရင်းပြုတ်ကျလာတဲ့ငှက်တွေက သူ့ရဲ့အမြည်းဖြစ်ကုန်တာပါပဲ ။ သုရာ ဆိုတဲ့မုဆိုးဟာ သစ်ပင်ရင်းမှာပဲ ဒီပုံစံနဲ့ ဇိမ်ကျနေတာကနေ ဒီနေ့အထိ သုရာဆိုတဲ့ အမည်နဲ့ တွင်ကျန်ရစ်နေပါတယ် ။

ဒီလိုနဲ့မုဆိုးက မြို့တက်ပြီးတော့ သဘာဝစိမ်ရည်တွေကို သူတို့ ဘုရင်မင်းမြတ်ဆီ ဆက်ကပ်ရာကနေ ဘုရင်လည်း သဘောကျသွားပြီးတော့ နောက်ဆုံးမှာ မင်းနဲ့ပြည်သူတွေ သုရာဆိုတဲ့အရက် စွဲကုန်ပြီး တစ်တိုင်းပြည်လုံး ဆင်းရဲသွားပါတော့တယ် ။ ဒီလိုနဲ့ နောက်ပိုင်းမှာ ဘုရင်ရဲ့ခွင့်ပြုချက်နဲ့ သစ်ခေါက်သစ်မြစ် ၊ သလေးစပါး ၊ မုံ့ညက်တွေ သုံးပြီး အရက်ချက်ကြပါတယ် ။ ဒီချက်ထားတဲ့ အိုးတွေကို ကြွက်တွေလာမသောက်နိုင်အောင်ဆိုပြီး ကြောင်တွေကို ကြိုးချည်ပြီး စောင့်ခိုင်းထားလိုက်ပါတယ် ။

အရက်တွေဆူဝေလာတော့ ယိုစီးလာတာကို ကြောင်တွေက သောက်ပြီး အိပ်ပျော်ကုန်တာကို သေကုန်ပြီအထင်နဲ့ မုဆိုးချက်တာတွေက အဆိပ်တွေ ဖြစ်ရမယ်ဆိုပြီး ဘုရင်ကိုလျှောက်တော့ ဘုရင်ကသတ်ခိုင်းလိုက်တာနဲ့ မုဆိုးလည်းသေရော ကြောင်တွေက အိပ်ပျော်လာရာကနေ နိုးလာပါတော့တယ် ။ ဒီတော့ ဘုရင်က … ဒါ အလွန်ချိုမြိန်တဲ့ အရာတွေပဲဆိုပြီး မဏ္ဏပ်တွေ ၊ ရာဇပလ္လင်တွေ ၊ ထီးဖြူတွေနဲ့သောက်ဖို့ ပြင်ဆင်တာကို သိကြာမင်းက တွေ့တော့ … မဖြစ်ချေဘူး ငါသွားတားမှ … ဆိုပြီး ပုဏ္ဏားယောင်ဆောင် ၊ အရက်တစ်အိုးကို လက်ကကိုင် ဘုရင့်ဆီ အရက်သွားရောင်းပါတယ် ။ ဘယ်လိုရောင်းခဲ့သလဲဆိုတော့ … အရှင်မင်းကြီး ဒီအရက်အိုးကို ဝယ်တော်မူပါ …

… ဒီအရက်က ထောပတ်လည်းမဟုတ်ပါ ၊ တင်လဲမဟုတ်ပါ ၊ ပျားရည်လည်း မဟုတ်ပါ ၊ ဒါကိုသောက်ရင်

၁ ။ လမ်းသွားတိုင်းယိမ်းယိုင်လဲကျတတ်ပါတယ် ။

၂ ။ မစားသင့်တဲ့အစာကိုလည်းစားမိပါတယ် ။

၃ ။ စိတ်အစိုးရဖြစ်တတ်ပါတယ် ။

၎ ။ ကိုးကွယ်ရာမရှိသူလို ဟိုဟိုဒီဒီသွားလာတတ်ပါတယ် ။

၅ ။ သီချင်းလည်းအော်ဆိုတတ်ပါတယ် ။ က , လည်းကတတ်ပါတယ် ။

၆ ။ တက္ကတွန်းလို အဝတ်မဝတ်ဘဲသွားလာတတ်ပါတယ် ။

၇ ။ တွေတွေဝေဝေနဲ့ အကြာကြီးလည်း အိပ်တတ်ပါတယ် ။

၈ ။ လက်တုန်ခြေတုန် ဖြစ်တတ်ပါတယ် ။

၉ ။ မီးလောင်သလို ပူပူလောင်လောင်နဲ့ အိပ်ရတတ်ပါတယ် ။

၁၀ ။ သူတစ်ပါးတို့ရဲ့ ထိုးကြိတ်ခြင်းကိုလည်း ခံရတတ်ပါတယ် ။

၁၁ ။ လူအများရှေ့မှာလည်း မပြောသင့်တဲ့စကားကိုလည်း ပြောတတ်ပါတယ် ။

၁၂ ။ ကိုယ့်အန်ဖတ်တွေနဲ့ကိုယ် အိပ်ရတတ်ပါတယ် ။

၁၃ ။ ငါ့လောက်မိုက်တဲ့သူ မရှိဘူးလို့လည်း ကြွေးကြော်တတ်ပါတယ် ။

၁၄ ။ မျက်စိတွေလည်း နီလာတတ်ပါတယ် ။

၁၅ ။ လိုအပ်တာထက်ပိုပြီး မာန်တက်တတ်ပါတယ် ။

၁၆ ။ ငြင်းလည်းငြင်းခုံတတ်ပါတယ် ။

၁၇ ။ ရုပ်ရည်အဆင်းတွေလည်း တဖြည်းဖြည်းလျော့လျော့လာပြီး အိုလွယ်တတ်ပါတယ် ။

၁၈ ။ သူခိုးတွေရဲ့နေရာဒေသကိုလည်း ရောက်တတ်ပါတယ် ။

၁၉ ။ စည်းစိမ်ဥစ္စာတွေလည်း ကုန်တတ်ပါတယ် ။

၂၀ ။ မိဘ ၊ ယောက္ခမ စသည်ကိုလည်း ဆဲရေးမိတတ်ပါတယ် ။

၂၁ ။ ချွေးမစသည်ကိုလည်း မှားယွင်းပြီး ကိလေသာဖြစ်တတ်ပါတယ် ။

၂၂ ။ မိန်းမရဲ့ ဆဲရေးခြင်းကိုလည်း ခံရတတ်ပါတယ် ။

၂၃ ။ ရဟန်း ၊ ပုဏ္ဏား စသည်တို့ကိုလည်း ရိုက်ပုတ်မိတတ်ပါတယ် ။

၂၄ ။ ငွေပေးပြီး မဟုတ်မမှန်ထွက်ဆိုဖို့ သက်သေလိုက်ခိုင်းခံရတတ်ပါတယ် ။

၂၅ ။ တစ်ခုခုခိုင်းလိုက်ရင်လည်း လေးဖင့်နေတတ်ပါတယ် ။

၂၆ ။ မြေကြီးပေါ်မှာလည်း အိပ်တတ်ပါတယ် ။။

အရှင်မင်းကြီး ကျွန်ုပ်လက်ထဲမှာရှိတဲ့အရက်က အဲဒီလိုစွမ်းအင်တွေ ရှိပါတယ် ဝယ်တော်မူပါ … လို့လျှောက်လိုက်တော့ သတိတွေပြန်ဝင်လာပြီး အရက်အိုးအားလုံးကို ရိုက်ခွဲခိုင်းလိုက်ပါတော့တယ် ။

အရက်မသောက်ဘဲနေတာဟာ ကိုယ်တစ်ယောက်ထဲတင် အကျိုးရှိတာ မဟုတ်ပါဘူး ၊ ကိုယ့်မိသားစု ၊ ကိုယ့်ပတ်ဝန်းကျင် ၊ ကိုယ့်နိုင်ငံအတွက်ပါ အကျိုးရှိ်တာပါ ။ ကျွန်တော်တို့တွေ မကောင်းတာတစ်ခု ပြုတော့မယ်ဆိုရင် ကိုယ့်အမျိုး ၊ ကိုယ့်အရွယ် ၊ ကိုယ့်ပညာ ၊ ကိုယ့်ရာထူးလေးကို သတိရလိုက်ရင် အလိုလိုတန့်သွားမှာပါ ။ လူငယ်တစ်ယောက်က တိုင်းပြည်နဲ့လူမျိုးကို တကယ်ချစ်တယ် ၊ တိုင်းပြည်နဲ့ လူမျိုးရဲ့အကျိုးကို ဆောင်ရွက်ချင်တဲ့စိတ် တကယ်ရှိတယ်ဆိုရင် အသက်တိုမယ့် ကိစ္စတွေကို ငယ်ငယ်ကတည်းက ရှောင်ရှားသင့်ပါတယ် ။

• အရက်တစ်မျိုးမျိုးဖြစ်မယ် ၊
• သောက်စားလိုတဲ့စိတ်ရှိမယ် ၊
  
• သောက်လိုက်မယ် ၊
  
• မူးယစ်သွားပြီဆိုရင်တော့ ။။။