ဂျင်းဂျက်ကတ်မှတ်စု # ၂

မာယာ ။

ကျွန်တော်တို့တွေ နေ့စဉ်စကားပြောတဲ့အခါ မရိုးသားတဲ့သူတွေကို ရှုတ်ချဖို့အတွက် “အပလီ” နဲ့ “မာယာ” ဆိုပြီး သုံးစွဲကြပါတယ် ။ “အပလီ တစ်သိန်း အပလိန်းအနန္တ” ၊ “မာယာ ကုဋေကုဋာ” ဆိုတဲ့ စကားတွေကတော့ မိတ်ဆွေလို့ မပေါင်းဖော်သင့်တဲ့သူ ၊ ဆရာအဖြစ် မချဉ်းကပ်သင့်တဲ့သူ ၊ လူယုတ်တွေလို့ ကဲ့ရဲ့တဲ့ ဂရဟာစကားတွေဘဲ ဖြစ်ပါတယ် ။

မာယာဆိုတာ လှည့်ပတ်ခြင်းသဘော ။ ကောက်ကျစ်ခြင်းသဘော ၊ မရိုးသားခြင်းသဘောပါတဲ့ ။တရားသဘောအရဆိုရင်တော့ တဏှာလောဘလို့ ဓမ္မသင်္ဂဏီ အဋ္ဌကထာက ဆိုထားပါတယ်။ မာယာကို မျက်လှည့်သမားနဲ့ ဥပမာပေးကြပြီး မျက်လှည့်ပညာရှင်က အမှားကို အမှန်ထင်အောင် လက်စွမ်း ပြတတ်သလို မာယာရှင်က တစ်ဘက်သားကို ထင်ယောင်ထင်မှားဖြစ်အောင် လှည့်စားတတ်ပါတယ်။ ယုတ်မာတဲ့ ရည်ရွယ်ချက်နဲ့ လိမ်လည် လှည့်ဖျားမယ် ၊ မလိမ့်တပတ် ကောက်ကျစ်မယ် ၊ ပညာသတိ အားနည်းသူတွေကို လက်တစ်လုံးခြား အနိုင်ယူတတ်ပါတယ် ။ ထင်ထင်ရှားရှားဖြစ်နေတဲ့ မိမိအပြစ်ကို ဖုံးကွယ်ခြင်းသဘော ၊ ပြုထားပြီးတဲ့ မကောင်းမှုကို လျှို့ဝှက်ဖုံးကွယ်ခြင်းသဘောတွေက “မာယာ” ပါဘဲ။ ဒါ့အပြင် မာယာက ပြာဖုံးနေတဲ့ မီးကျီခဲ ၊ ရေမှာမြုတ်နေတဲ့ သစ်ငုတ် ၊ အဝတ်နဲ့ ဖုံးလွှမ်းရစ်ပတ်ထားတဲ့ ဓားလက်နက်တွေနဲ့လည်းတူပါတယ် ။ မာယာက မြင်နိုင်ခဲပါတယ် ။ မာယာရှင်က အသိခက်လှပါတယ် ။ မာယာရှင်က သိနိုင်ခဲသလို မိမိသန္တာန်မှာ မာယာဖြစ်နေတာကို သတိမထားတတ်ကြပါဘူး ။ မာယာကို ပညာလို့ထင်နေတတ်ပါတယ် ။ တစ်ဘက်သားကို မာယာနဲ့ အကွက်ဆင် လှည့်စားနိုင်တဲ့အခါ ပညာသားပါလှပြီလို့ အထင်မှားတတ်ကြတယ် ၊ ပိုင်လှပြီလို့ ကျေနပ်နေတတ်ကြပါတယ် ။ မာယာရှင်က ကောက်ကျစ်မှုမှာ ကျွမ်းကျင်ပြီး တစ်ဘက်သားကို မသိမသာ ပါးပါးလွှာတတ်ပါတယ် ။ ဒါ့ကြောင့် သူသူငါငါ လူသာမာန်တွေက မာယာရဲ့လှည်းစားခြင်းကို ခံကြရတာပါဘဲ။ မာယာရှင်က သူ့အပြစ်ကို ဖုံးကွယ်ရာမှာ တစ်ဘက်သားကို ထိပါးတတ်မယ် ၊ သူ့အပြစ်ကို သူများအပြစ် ဖြစ်အောင် လွှဲချတတ်မယ် ၊ ကိုယ့်အပြစ်ကို သူ့အပြစ်ဖြစ်အောင် လှည့်ဖျားပြီး ဖုံးကွယ်ကြတာပါဘဲ ။

မာယာအကြောင်းကို ပိုပြီးစိတ်ဝင်စားအောင် ပြောပြရရင် ဟိုးအရင်က မလ္လိကာ မိဖုရားဆိုတာ ရှိပါတယ် ။ သူက တစ်နေ့မှာ ကိုယ်လက်သုတ်သင်ဖို့ ရေချိုးခန်းကို ဝင်တဲ့အခါ သခင်ကို ခင်တဲ့သူမရဲ့ ခွေးကလည်း သူနဲ့အတူ လိုက်သွားပါတယ် ။ မျက်နှာသစ်ပြီး ခြေဆေးဖို့ ကိုယ်ကို ကိုင်းညွတ်လိုက်တဲ့အခါမှာ အနားမှာရှိတဲ့ခွေးက မိဖုရားကြီးကို မေထုန်ပြုဖို့ ကြိုးစားပါတယ် ။ မိဖုရားကလည်း အဲ့အတွေ့ကို သာယာမိသွားပါတယ်။ ဒါကို နန်းတော်လေသာပြတင်းကနေ မြင်လိုက်တဲ့ ဘုရင်ကြီးက အပြစ်ဆိုစွပ်စွဲလိုက်ပါတယ်။ မိဖုရားကြီးကလည်း လေသာပြတင်းကနေ ရေချိုးခန်းကို ကြည့်လိုက်ရင် အမြင်ဝါးသွားတတ်ကြောင်း ၊ တစ်ခုကို နှစ်ခု ၊ တစ်ယောက်ကို နှစ်ယောက် ထင်ရကြောင်း ဆင်ခြေပေးပြီးတော့ ရေချိုးခန်းထဲမှာ ခွေးမရှိပါဘူးလို့ အဖြစ်မှန်ကို ဖုံးကွယ်ပြီး မာယာသုံးလိုက်ပါတယ် ။ ဒါပေမဲ့ ကိုယ်တိုင်မြင်လိုက်ရတဲ့ ဘုရင်ကြီးက မိဖုရားကြီးကို မယုံပါဘူး ။

ဒါ့ကြောင့် မိဖုရားကြီးက မင်းကြီးကို ရေချိုးခန်းထဲ ဝင်စေပြီးတော့ နန်းတော်လေသာပြတင်းပေါက်ကနေကြည့်ပြီး မင်းကြီးကို ဆိတ်မနဲ့ ဖောက်ပြန်နေတယ်လို့ မဟုတ်မမှန် ပြန်လှန် စွပ်စွဲလိုက်ပါတယ် ။ မင်းကြီးကငြင်းတော့ ကိုယ်တိုင်မြင်ရပါတယ်လို့ ဆိုပါတယ် ဒါကို ဥာဏ်နည်းတဲ့ မင်းကြီးက မိဖုရားကြီးရဲ့မာယာကို ယုံကြည်သွားပါတယ် ။ ဒီဝတ္ထုမှာ မိဖုရားကြီး တွေ့ကြုံရတဲ့ အဖြစ်အပျက်က အစမှာ မတော်တဆဖြစ်ခဲ့တာပါ ။ စေတနာဆိုးနဲ့ ရည်ရွယ်ပြီး ဖောက်ပြန်မှားယွင်းခဲ့တာ မဟုတ်ပါဘူး … အမှတ်တမဲ့ကြုံတဲ့ ကိစ္စကို ရှင်းပြပြီး အမှန်ကို ရိုးသားစွာ ဝန်ခံလိုက်ရင် ပြေလည်နိုင်တာကို မရိုးမသား လှည့်စားမိလိုက်တာကြောင့် ယုတ်မာတဲ့ အကုသိုလ်မာယာ ဖြစ်ခဲ့ရပါတယ် ။ ကုိုယ့်အပြစ်ပပျောက်အောင် ရည်ရွယ်ပြီး မပြစ်မှားသင့်တဲ့သူကို လုပ်ကြံစွပ်စွဲခဲ့မိပါတယ် ။ ခွင့်လွှတ်နိုင်လောက်တဲ့ အသေးအဖွဲလေးကို သံသရာအထိ နစ်မွန်းစေခဲ့တဲ့ ညစ်ပတ်မှု ဖြစ်ခဲ့ရတာပါ ။ ဒါ့ကြောင့် အမှန်ကို ရင်ဆိုင်ဖြေရှင်းဝံ့တဲ့သူကသာ သတ္တိရှိသူ ၊ အပြစ်ကို ဝန်ခံရဲတဲ့ ရိုးသားသူတွေသာ မာယာကင်းနိုင်တာကို မြင်နိုင်ပါတယ် ။အမှန်တော့ မိဖုရားကြီးက သူတော်ကောင်းပါ ဒါပေမဲ့ စုတေခါနီး ကာလမှာ သူပြုခဲ့တဲ့ကုသိုလ်တွေကို သတိမရတော့ဘဲ မင်းကြီးအပေါ် လှည့်စားမိတဲ့ မာယာအကုသိုလ်ကို နောင်တစိတ်နဲ့ သတိရမိခဲ့တာကြောင့် အဝိစိငရဲ ကျခဲ့ရပါတယ် ၊ အဲ့နောက်မှာ ကုသိုလ်စွမ်းကြောင့် နတ်ပြည်ရောက်ခဲ့ပါတယ် ။

ယခုလို အဖြစ်အပျက်တွေကို ကြည့်ပြီး မိန်းမတို့ကသာ မာယာများသူများလို့ စွပ်စွဲကြပါတယ် ။စင်စစ်ကတော့ မာယာဆိုတာ မိန်းမတွေရဲ့ လက်နက်မဟုတ် ၊ ပုထုဇဉ်တွေရဲ့ သဘာဝဘဲဖြစ်ပါတယ် ။ ကျား ၊ မ မရွေး ပုထုဇဉ်မှန်သမျှ မာယာရှိတတ်ကြသူတည်းပါ ။ ထို့အတူဘဲ ယောင်္ကျားတွေမှာလည်း မာယာရှိတာကို …